قصيدة (العلبة فيها إيه) عامية (يسري عطية)

هنوا أوباما .... هو وماما
ماما أمريكا .... ماما الغولة
فاهمة الفولة ... ومش معقولة
تفوتنا في راحة ... كدة بسهولة
فاكر بوشو ....... هو وشوشو
لموا جيوشو ....... وراحوا بغداد
والعداد
عداد الموت ....رح شغال
شغل نضيف ... عال العال
وما خلاش طفل بيكي
ولا خلاش أم بتشكي
دبح الواد جوا الأم
ودبح الأم برة الواد
والعداد ... عداد الموت
بعلو الصوت
راح بينادي
اهدوا شوية خلاص ياولادي
هانحرركم خلاص م الدنيا
مين الجاي عليه الدور
من هاتدوسه رجول التور
يقصف عمرك ياللي تصدق
إن الغولة
يوم رح ترمي عليك كتاكيت
تبقى عبيط
يحكو حياتك في الحواديت
كان فيه ماما .... جالها أوباما
باع أوهاما ....
قال أحلاما .... يوم تتحقق
بص ودقق
آدي أوباما
ساق أغناما
نحو العيد
جاي والله فإيده هدية
قولي العلبة دي فيها إيه
يابن الإيـــــــــــــــــــــــــــــــــــــــــــــــه

اوه كلام رائع

ما شاء الله عليك يا مستر
..... هم دول الشعراء ولا بلاش .... بجد هايلة و مش هى بس ده كلهم حلوين جدا ... أنا مش عارفة أعمل رد على إيه و لا إيه .... كلهم هايلين هايلين هايلين هايلين نابعين من موهبة حقيقية .... إوعدنا يا رب مثل هذه المواهب

يسلمو على القصيدةةة الحلوةةة

ماشاء الله ... انا اصلا بحب الشعر السياسى ... ننظر المزيد من التوفيق ...

قصيدة جميلة يا مستر يسرى تسلملنا عالمجهود الرائع

العلبه فيها ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

العلبه فيها فيل !!!!!!!!!!!!!!!!!!!!!!!! يا ابو حازم

تسلم ايديك يا مستر يسري القصيدة رااااااااااااااائعة

شكرا كتير على القصيده
بجد جميله اوى