كتكوت (قاعد على القهوة)

كتكوت أبو الليل
في عز الليل
قاعد على القهوة
صديق الطاولة والكوتشينة...
وبالدخان
بيرسم حياة إنسان
لحد الصبح مش فاضي
وطول اليوم ماهوش فاضي
نايم ... صاحي ... على الفاضي
ماتفرقشي
ويتأمر ويتحكم كما القاضي
على الفاضي
******************
أنا وانت أكيد كتكوت
يوم حي .... ويوم م الألم بيموت
ولا يفوت
عليه اليوم دموعه نيمانة
ولكن شطوط
مرسومة علي مجرى عينيه الاتنين
كإن راسماهم ايديه الاتنين
والدنيا حواليه سكوت ف سكوت
ولا حد داري بحد
ما كله في الألم محطوط
ماكله أكيد كتكوت
*********************

جميله اوى اوى اوى كلمات ومعانى وكل حاجه
بس عايزة اعرف يعنى الصفه دى اكتب فيها ايه
يعنى قصايد خاصه بحاجه معينه ولا ايه
بس الاسم جميل اوى واول مرة اشوفه
ربنا يخلينا لحضرتك وتعملنا دايما الجديد الجميل اللى زى حضرتك
(H)

بس كتكوت ابو الليل مبيفرقشى وهو نايم من همه الى كان فيه بطل فرك وارق وبقى بيتخمد على طول ... ماهو برده ياناس عنده حق... من القهوه والدخان قلبه اتحرق
بس خلاص الدنيا الى كانت سكوت فى سكوت
بقيت كلاها بالنسباله صوت
وجاله احبابه واصحابعه واعطوله بسكوت
عشان يفرح ويلعب عشان ما يبقاش الكتكوت فى الهم محطوط

ملحوظه من ساعتين بس ما كنش هبقى ده الكتكوت
thx mr

كتكوت رمز لكل واحد عايش في بر مصر

اجمل تشبيه حضرتك عملته
فى انتظار الجديد دايما من حضرتك
وعلى فكرة الاسم دة حلو اوى(كتكوت قاعد على القهوة)




تلمذتك(اوتار الليل)H

كلمات رائعة
استاذ
بس احنا مش كتاكيت
احنا بايدينا نكون حيتان
وانا عن نفسى عند الغضب
ببقى ........

بجد جميلة اوى والكلمات حلوة جدا

انا اول مرة اشوف حاجة على المنتدى للمستر لانى اول مرة ادخل واشارك فى حاجة ولاكنى اريد وبكل امتنان اذا سمح لى المستر ان اعبر عن هذا الموضوع بحرية واريد ان اقول اننى احببت فعلا الشخصية واستمتعت بقرائتها لائنها ذات ذوق وخيال عالى فى التعبير وقد عبر عن الشخصية جيدا فشكرا للاستاذ وننتظر منة الاحسن دائما